यस सबैको लागि स्वास्थ्य र शिक्षा संस्था एक गैरसरकारी संस्था हो । यस संस्थाको मुख्य लक्ष्य समुदायहरूको स्वास्थ्यर शिक्षामा सुधार ल्याउनु हो । स्थानिय तहमा भइरहेका सामाजिक कल्याण सामुदायिक विकासका गतिविधिहरुलाई गैरसरकारीक्षेत्रबाट पनि अझ बढी प्रभावकारी रुपमा जनसहभागीताबाट अघि बढाई यस क्षेत्रको विकासको लागि शैक्षिक सास्कृतिक, शारिरिक, सामाजिक एवं आर्थिक क्रियाकलापहरुबाट राष्ट्रिय विकासमा टेवा पुर्याउने उदेश्यले यस सबैको लागि स्वास्थ्य र शिक्षा (हिफा) संस्था बि.सं २०५७/०९/११ मा जिल्ला प्रशासन कार्यालय काठमाण्डौंमा दर्ता भई बि.सं २०५७/१०/१७ गते श्री समाज कल्याण परिषद्मा आबद्ध भई निरन्तर कार्यारत छ । यस संस्थाले स्थापनाकाल देखि हाल सम्म आफ्नो उदेश्य अनुरुप विभिन्न दुर्गम तथा विकट क्षेत्रहरुमा शैक्षिक सेवा प्रदानको लागि विद्यालय भवन अभाव रहेको स्थानहरुमा भवन पुननिमार्ण कार्यहरु गरि राष्ट्रिय शैक्षिक विकासमा टेवा पुर्याउँदै आइरहेको छ । ग्रामिण क्षेत्रमा शौचालय जडित बायोग्यास प्लान्ट निर्माण तथा प्राङ्गारिक कृषि लाई प्राङ्गारिक कृषि पर्यटन संग जोड्ने उद्देश्य अनुरुप शौचालय जडित बायोग्यास प्लान्ट निर्माण कार्य विगतका बर्षहरुमा गर्दै आएको र हाल उक्त परियोजना तिब्रताका साथ निरन्तरता दिईरहेको छ यस कार्यक्रमबाट दिगो ऊर्जा समाधान र वातावरण स्वच्छता कायम हनुका साथै जलवायु परिवर्तन न्युनिकरणमा समेत टेवा पुग्छ । स्वास्थ्य र शिक्षामा सुधार ल्याउने हेतुले बालबालिकाहरुमा उत्साह बढाउनका लागि विद्यालय पोषाक तथा विभिन्न खेलकुदका सामग्रीहरु पनि उपलब्ध गर्ने कार्य गरिरहेको छ । हाल यस संस्थामा ७ जनाको कार्यसमिति रहेको छ ।